Кыргыз Республикасынын Адвокатурасынын адвокаттар кеңешине Россиянын Адвокаттардын федералдык палатасынан расмий кат келди. Ал катта Россия Федерациясынын Адвокаттар палатасы КМШ өлкөлөрүнүн адвокаттык коомчулуктарынын жетекчилерине жана мүчөлөрүнө «Соттук экспертизаны дайындоо, жүргүзүү жана талашуунун актуалдуу маселелери» аттуу вебинарлар цикли башталгандыгы тууралуу маалымдалат.

Бул билим берүү долбоору адвокаттардын, стажёрлордун жана адвокаттардын жардамчыларынын кесиптик деңгээлин жогорулатууга багытталган.

Вебинарлардын графиги жана темалары (Москва убактысы боюнча):

2026-жылдын 8-апрели (Шаршемби):

•          10:00 – 12:00: Документтердин экспертизасы.

•          12:10 – 14:10: Соттук-медициналык экспертиза.

•          14:20 – 16:20: Соттук курулуш-техникалык экспертизасы.

2026-жылдын 15-апрели (Шаршемби):

•          10:00 – 14:10: Соттук-психиатриялык экспертизанын ченемдик-укуктук жана методологиялык негиздери. Адвокаттын ишмердүүлүгүндө атайын билимдерди колдонуу.

•          14:20 – 16:20: Жашы жете электердин жана жабырлануучулардын комплекстүү соттук психологиялык-психиатриялык экспертизасы.

2026-жылдын 22-апрели (Шаршемби):

•          10:00 – 12:00: Соттук лингвистикалык экспертиза.

•          12:10 – 14:10: Соттук-психологиялык экспертиза.

•          14:20 – 16:20: Эксперттин корутундусун баалоо жана талашуу.

Катышуу тартиби: Окутуу дистанциялык форматта өтөт. Каттоо тартиби жана вебинарларды көрүү боюнча нускамалар  РФ ФАПнын расмий сайтында жайгаштырылган: fparf.ru/education/webinars/.

Бул иш-чара КМШ алкагындагы адвокаттык ишмердүүлүк чөйрөсүндөгү кызматташуу келишиминин негизинде уюштурулуп жатат.

________________________________________

Кыргыз Республикасынын Адвокатурасы

Кошумча маалымат алуу үчүн:

- Дареги: Бишкек ш., Ж. Бөкөнбаев көч., 204, 6-кабат

- Тел.: +996 (312) 35-29-97, +996 (502) 24-35-77

- E-mail: info@advokatura.kg