Бүгүн, 2025-жылдын 10-апрелинде, Кыргыз Республикасынын Адвокатурасында Кыргыз Республикасынын Адвокаттар кеңешинин кезектеги отуруму болуп өттү.

Аталган кеңештин отурумуна Адвокаттардын окуу борборунун (АОБ) жаңы директору Болтобаева Венера Мурзаевна, ошондой эле АОБнун курамынын мүчөлөрү катышты.

Күн тартибиндеги негизги маселелердин бири жакынкы мезгилге адвокаттарды кесиптик окутуу жана квалификациясын жогорулатуу программасын бекитүү болду. Адвокаттар кеңешинин мүчөлөрү сунушталган программаны кылдаттык менен карап чыгып, аны бир добуштан бекитүү чечимин кабыл алышты.

Бул чечим Кыргыз Республикасынын адвокаттар коомчулугунун кесиптик деңгээлин өнүктүрүүдөгү маанилүү кадам болуп саналат жана адвокаттар тарабынан жарандарга жана юридикалык жактарга көрсөтүлүүчү юридикалык жардамдын жогорку сапатын камсыздоого багытталган.

Бекитилген программа адвокаттарга өз билимдерин жана көндүмдөрүн тынымсыз өркүндөтүүгө, мыйзамдардагы акыркы өзгөрүүлөрдөн жана алдыңкы юридикалык тажрыйбалардан кабардар болууга мүмкүндүк берет.

Адвокаттар кеңеши Адвокаттардын окуу борборунун (АОБ) жаңы директоруна жана курамына ийгилик каалап, АОБду жаңы деңгээлге чыгарарына ишеним билдирди.

Кыргыз Республикасынын Адвокатурасынын Адвокаттар кеңеши.