Жаш адвокаттардын VI Бүткүл Россиялык конгрессине КМШ өлкөлөрүнүн өкүлдөрү чакырылат
Кыргыз Республикасынын Адвокатурасынын адвокаттар кеңешине Россиянын Адвокаттардын федералдык палатасынан (РФ АФП) алдыдагы боло турган ири иш-чара тууралуу маалыматтык кат келип түштү. 2026-жылдын 8-9-июль күндөрү Кострома шаарында Жаш адвокаттардын VI Бүткүл россиялык конгресси өтөт.
Иш-чаранын уюштуруучулары болуп РФ АФП, Россиянын Жаш адвокаттар союзу жана Кострома облусунун Адвокаттык палатасы саналат.

Конгресстин негизги шарттары жана программасы:
* Катышуучулар: Конгресске 40 жашка чейинки жаш адвокаттар чакырылат.
* Квота: КМШга мүчө-мамлекеттердин адвокаттык коомчулуктары үчүн ар бир мамлекеттен 2 делегаттан турган квота бөлүнгөн.
* Программада: Иш-чаранын алкагында СССРдин чуулгандуу кылмыш иштери боюнча олимпиада, «Адвокаттын ишмердүүлүгүндөгү кесиптик тобокелдиктер» аттуу эссе конкурсунун финалы жана «Кодекс: перезагрузка» ишкердик оюну пландаштырылган.
* Маданий бөлүк: Волга дарыясында теплоход менен сейилдөө жана Кострома шаарына экскурсия уюштуруу каралган.

Маанилүү жагдайлар: Конгресстин алкагында «Адвокаттын ишмердүүлүгүндөгү кесиптик тобокелдиктер» темасындагы эссе конкурсунун корутунду этабы өтөт. Эгерде кайсы бир мамлекеттин өкүлү бул конкурстун финалына чыкса, ага Конгресске делегат катары катышууга артыкчылыктуу укук берилет.

Маанилүү билдирүү:
* Делегациянын курамы тууралуу маалымат 2026-жылдын 15-майына чейин mail@fparf.ru электрондук дарегине жөнөтүлүшү керек.
* Жол кире жана жатакана чыгымдарын катышуучулар өз алдынча төлөшөт.
* Катышуучулар үчүн «Волга» мейманканасында атайын баада орун ээлөө мүмкүнчүлүгү каралган (15-майга чейин билдирүү зарыл).

Кыргыз Республикасынын Адвокатурасы
__
Кошумча маалымат алуу үчүн:
- Дареги: Бишкек ш., Ж. Бөкөнбаев көч., 204, 6-кабат
- Тел.: +996 (312) 35-29-97, +996 (502) 24-35-77
- E-mail: info@advokatura.kg