Кыргыз Республикасынын Адвокатурасынын адвокаттар кеңешине Россия Федерациясынын адвокаттар палатасынан эл аралык эссе конкурсуна катышуу үчүн чакыруу келди.

Конкурстун темасы: «Адвокаттын ишмердүүлүгүндөгү кесиптик тобокелдиктер» (Профессиональные риски в деятельности адвоката). 

Катышуу шарттары:

• Конкурска КМШ өлкөлөрүнүн адвокаттык коомдоштуктарынын мүчөсү болгон жаш адвокаттар катыша алышат.

• Катышуучулардын жашы 40 жаштан ашпоого тийиш.

• Адвокаттардын стажёрлору, жардамчылары жана адвокаттык макамы убактылуу токтотулган адамдар катышууга жол берилбейт.

Конкурстун этаптары:

1. Тандоо этабы (аралыктан, жазуу түрүндө): Иштерди кабыл алуу 2026-жылдын 11-мартынан 8-майына чейин жүргүзүлөт. Катышуучулар өз иштерин тиешелүү мамлекеттик адвокаттык өзүн-өзү башкаруу органына жөнөтүшү керек.

2. Финалдык этап (бетме-бет, оозеки): Жазуу түрүндөгү этаптын финалисттери 2026-жылдын 8-9-июль күндөрү Россиянын Кострома шаарында өтө турган Жаш адвокаттардын VI Конгрессине чакырылат.

Маанилүү маалымат:

• Финалдык этапка катышуу үчүн жол кире жана жатакана чыгымдары катышуучулар тарабынан өз алдынча төлөнөт.

Кызыкдар болгон адвокаттарды бул эл аралык иш-чарага активдүү катышууга чакырабыз! 

 

Кыргыз Республикасынын Адвокатурасы

______

-Кошумча маалымат алуу үчүн:

-Дареги: Бишкек ш., Ж. Бөкөнбаев көч., 204, 6-кабат

- Тел.: +996 (312) 35-29-97, +996 (502) 24-35-77

- E-mail: info@advokatura.kg