Кыргыз Республикасынын Адвокатурасынын Жалал-Абад аймактык адвокатурасынын адвокаты Долонбаев Мамасабыр Байгазиевич дүйнөдөн кайтты.
⠀
Мамасабыр Байгазиевич 1957-жылдын 1-июлунда туулган. Ал Кыргыз Республикасынын Адвокатурасынын мүчөсү катары 2015-жылдын 11-мартынан тарта өз ишмердүүлүгүн жүргүзүп келген.
⠀
Өзүнүн кесиптик ишинде Мамасабыр Байгазиевич көптөгөн жарандарга юридикалык жардам көрсөтүп, акыйкаттуулуктун орношуна чоң салым кошкон.
⠀
Долонбаев Мамасабыр Байгазиевичтин дүйнөдөн кайткандыгы — Кыргыз Республикасынын Адвокатурасы жана жалпы юридикалык коомчулук үчүн орду толгус жоготуу болуп калды.
⠀
Кыргыз Республикасынын Адвокатурасынын Адвокаттар кеңеши маркумдун жакындарына жана туугандарына терең кайгыруу менен көңүл айтат.
⠀
Кесиптешибиздин жаркын элеси биздин жүрөгүбүздө түбөлүк сакталат.
⠀
Кыргыз Республикасынын Адвокатурасынын Адвокаттар кеңеши.